Ek Nishist Sehat Afzayi Ke Liye.

Logon ke Chehron par Muskurahat Dekna Achi Baat Hai, Agar Hum Is Kheemti Muskurahat Ki Wajah Hon Tu Hame Zyada Khushi Hogi. 

Alhamdulillah Facebook Par Shafiya Farhin ka Ye Post Dekkar Bahut Itminaan aur Khushi Huvi, Jo Aap Is Link Par Click Karke Ya Niche Diyegaye Screen Shot me Padsakte hain.

https://m.facebook.com/story.php?story_fbid=390837519460389&id=100056024323004

Shafiya Farhin, Ek Hindi Research Fellow Hai, Aur University of Mysore Me Research Scholar Ki Haisiyat Se Apni Qidmath Anjam Derahi Hain, Sath Hi Aakhar Hindi Journal International e-Magazine Me Assistant Editor Ki Haisiyat Se Kaam Kar Rahi Hain.

Hua Hyon ke, Hum 29th Nov 2021 ko Mere Marhoom Walid Abdul Khader Khan Ki Chammai Ke Liye Mandya Gaye the. Pata Chala Ke Hamare Chacha Janab Y Shafiulla Khan Tark-e-Dunya hue hain. Darasal Unki Tabiyath Kaisaalon Se Nasaaz Bhi Thi. Jab Mulaqat Huvi Tu Dekha Ke Qo Bahut Kamzoor Hogaye Hain, Yahan Tak Ke Theek Se Ek Lafz Bhi Nahi Bol Pa Rahe The. Humne Inki Jald Se Seheteyab Hone ki Khwaish Se Inku Hasla Dene ki Koshish Ki Aur Chachi Par Ek latifa Sunaya. Allah Ka Shukr Hai Ke Chacha Ke Chehre Par Muskurahat Agayi Aur Bahut Hi Dhimi Awaz Me Ek Shayeri Sunane Ki Koshish Ki Ju Hum Samajh Nahi Sake. 

Urdu Shayeri aur Adab se Inke Lagao Ko Samajh kar, Maine Inse Kaha ke Aap Jald Sehatyaab Ho jayiye, Mai Aapki Sadarat Me 15 Dinon Me Ek Mushaira Ka Ihtemaam Karoonga. 

Alhamdulillah, Mujhe Phirse Ek Walima aur Makhtab Me Shirkat Karne Ke Liye Mandya Jane Ka Mauqa Mila aur Ittefaaq Se Mere Saath Kainat-e-Adab ke Motami Janab Suhail Nizaami aur Bangalore Ke Mashoor Naat Khwan Hafiz Syed Tabrez bhi Maujood The. Mauqe Ka Faida Uthate Huve Mera Mushaira Ka Wada Poora Karne Chacha Ke Ghar Chalegaye aur Ek Chote se Mushaira Ki Nashist Ka Ihtemaam Kiya. Ju Alhamdulillah Kamiyab Raha, Jiski Tafseel Shafiya Farhin ke Post Me Di gayi Hai, aur Inhone Is Nishist Ku Record Karke Hamare Youtube Channel Par Publish Bhi Kiya, Jise Aap Yahan Deksakte Hain.

Aap Sabse Guzarish Hai Ke Faqeer Y Shafiullah Saheb Ju Mere Chacha Hain, Inki Sehat Ke Liye Aur Mere Walid-e-Mohtaram Marhum Faqeer Abdul Khader Khan Aur Ammi Marhuma Khurshid Begum Saheba ke Haq Me Dua Karen.

Allah Aap Sabki Dua Qubool Kare. 
Aameen, Summa Aameen.

Aapka Bhai,

Inayath Ulla Khan