Hum Infiradi Taur Par Kaamiyaab Hain Magar Ba Haisiyat-e-Qoum NaKaam Hain - Dr. Rahman Khan - Kainaat-e-Adab, Bangalore Ke Zer-e-Ihtemaam ' Taalim Ki Ahmiyat' Par Seminar aur Award Taqreeb ka Inaqaad. - Ek Report

Dignitaries on the dais of Seminar on Importance of Education in Nation Building & Award Function conducted by Kainaat-e-Adab, Bengaluru on 25 Aug 2021

[L-R:  Janab Mohammed Sajjad Khan Saheb (ACP), Janab Asif Iqbal Saheb (Indian Economic Trade Organisation), Dr. Moulana Saleem Salik Saheb, Dr. Mohammed Farooq Saheb (Chairman, Al-Aman Educational & Charitable Trust), Dr. K. Rahman Khan Saheb (Former Union Minister and Chairman - Salar Publication Trust) & Janab Mohammed Mohsin Saheb- IAS (Secretary to Govt, Backward Classes Welfare Dept, GoK) & Janab Inayath Ulla Khan Saheb ( Founder - Mehdavia Times Welfare Trust (R) , Sadar - Kainaat-e-Adab, Bangalore]

Release of the Book : SAAZ-E-WATAN by Dr. Hafeez Karnataki

[L-R:  Janab Mohammed Sajjad Khan Saheb (ACP), Janab, Dr. Moulana Saleem Salik Saheb, Dr. Mohammed Farooq Saheb (Chairman, Al-Aman Educational & Charitable Trust), Dr. K. Rahman Khan Saheb (Former Union Minister and Chairman - Salar Publication Trust) & Janab Mohammed Mohsin Saheb- IAS (Secretary to Govt, Backward Classes Welfare Dept, GoK) & Janab Inayath Ulla Khan Saheb ( Founder - Mehdavia Times Welfare Trust (R) , Sadar - Kainaat-e-Adab, Bangalore]

Janab K. Ifthekhar Ahmed Shariff (Former Editor, Daily Salar, Urdu Writer & Educationist) announcing the Awardees

L-R: Janab Mohammed Mohsin Saheb- IAS (Secretary to Govt, Backward Classes Welfare Dept, GoK) & Janab Inayath Ulla Khan Saheb ( Founder - Mehdavia Times Welfare Trust (R) , Sadar - Kainaat-e-Adab, Bangalore], Janab Suhail Nizami Saheb (Mohtamid - Kainaat-e-Adab, Bangalore)

“Hum Infaradi Taur Par To Kamiyab Hain,Magar Ba Haisiyat E Qoum Nakaam” Dr.Rahman Khan Kayenaat Adab Bangalore Ke Zer E Ehtemaam “Taleem Ki Ehmiyat” Par Seminar Aur Award Taqreeb Ka Inaqad” – Ek Report. 

Bangalore 26 August: ‘Tareeq Ka Muta'ala Bohot Zaroori Hai, Aaj Tulaba Ye Samajhte Hain Ke Riyazi Aur Science Padhlena Kaafi Hai, Aisa Nahi Hai Tareeq Ka Shoba Bhi Bohot Ahem Hai.’ Inn Khayalaat Ka Izhar Kainaat-e-Adab, Bangalore Ke Zere Ehtemaam Chahrshumbe Ku Hotel Imperial Me Munaqad ‘Taleem Ki Ehmiyat’ Ke Seminar Aur Award Taqreeb Se Qitaab Karte Hue Sabiq Markazi Wazeer Janab Dr. K Rahman Khan Ne Kaha. Inhone Kaha Har Shaks Apne Andar Koi Salahiyat Zaroor Rakhta Hai Magar Mujhe Khushi Hai Ke Aaj Jitne Lectures Aur Professors Ku Award Diya Gaya Hai Wo Na Sirf Iss Ke Mustahaq Hain Balke Mai Inhe Acchi Tarha Janta Hun. Inki Khidmaat Aur Inke Ilm Se Mai Ba-Khoobi Waqif Hun. Ye Sab Kamiyab Tareen Shaksiyat Hain Aur Hamein Qoum Ke Inn Kamiyab Numa'indon Se Istefada Karna Chahiye Aur Inki Madad Se Poori Qoum Ku Aage Laana Chahiye.

Infaradi Kamiyabi Agar Ijtemai Kamiyabi Ki Zaamin Hojae To Hum Ba-Haisiyat-e-Qoum Kamiyab Kehlayenge. Kaienaat-e-Adab Ke Sadar, aur Mehdavia Times ke founder Inayath Ullah Khan Aur Motamid-e-Kainaat-e-Adab, Suhail Nizami ne Inki Sata'ish Ki Ke Inka Inteqaab Bilkul Sahi Hai. Inhone Kaha Ke Aaj Ki Generation Ko Sahi Simt Ka Ta'aiyyun Karna Chahiye, Jiske Liye Khud Ehtesaabi Ki Zaroorat Hai. Ulema-e-Ikraam, Danishwaron aur Rehbaron Ku Mil Baith Kar Qoum Ke Mustaqbil Ki Raah Mutai'yyin Karni Chahiye. Moulana Azad Ke Nazariyaat Ku Apna Kar Aage Badhna Chahiye Kyunke Azad Ki Door-Andeeshi Aisi Hai Ke Inhone Jo Peshan'goiyan Ki Wo Ba-Tadreez Sach Sabit Hui. Allah Ne Humko Jo Zimmedari Di Hai Isku Poora Karne Ki Koshish Karni Chahiye. Tanqeed Se Ghabra Kar Raah-e-Amal Se Piche Nahi Hatna Hai. Qoum Me Ta'asub Aur Dusre Ki Kamiyabi Se Hasad Aur Nicha Dikhane Ki Koshishon Se Baaz Rehna Hoga.

Iss Mouqe Par Janab Dr. K. Rahman Khan Ne Dr.Hafiz Karnataki Ki Majmua Kalam ‘Saaz-e-Watan’ Ka Hindi Tarjuma Ka Bhi Ijra Kia. Mehmaan-e-Qusoosi Backward Class Department Ke Secretary To Government Janab Mohommed Mohsin IAS Ne Apne Khayalaat Ka Izhar Karte Hue Kaha Ke Hamari Qoum Ko Abhi Bhi Taleem Ki Taraf Bohot Tawajja Dene Ki Zaroorat Hai. Zaroori Nahi Ke Har Ghar Ka Baccha Doctor Ya Engineer Hi Bane Iske Alawa Kayi Shobe Hain Jispar Tawajja Dene Ki Zaroorat Hai. Inhone Kaha Ke Taleem Ke Liye Har Koi Apne Taur Par Madad Kar Sakta Hai. Ghareeb Bachon Ki Taleem Mukammil Karne Me Madad Dijiye, Ek Ek Bache Ki Bhi Agar Zimmedari Li Jaye To Hazaron Bache Apni Taleem Mukammal Karsakte Hain.

Assistant Commissioner Of Police Janab Mohmmad Sajjad Khan Ne Kaha Apne Bachon Ki Padhai Par Dhyan Dene Ki Bohot Zaroorat Hai. Maa Baap Apni Zimmedari Ada To Karte Hain Lekin Inme Aqlaqiyat Paida Karne Me Kabhi Kabhi Piche Reh Jate Hain. Isliye Ke Agar Aulad Ko Ba-Aqlaq Banaya Jayega To Wo Apne Walidain Ki Bhi Izzat Karenge Aur Apni Zindagi Bhi Khush Haal Guzar Sakenge.

Dr.Mohmmed Farooq Ne Kaha Ke Dr.Rahman Khan Saheb Ki Rehnumai Ars-e-Daraaz Se Horahi Hai. Bohot Pehle Hum Ne Besaharon Ku Sahara Dene Ke Liye Ashiyana Old Age Home Banaya Tha. Ashiyana Skill Development Institute Ki Chaar Manzila Imarat Taiyyar Hochuki Hai Jiska Sang-e-Buniyaad Bhi Rahman Khan Saheb Ke Haton Rakkha Gaya Tha. Manshiyaat Ki Lat Se Chudane Ke Liye Bhi Idara Banane Ka Mansooba Hai. Iske Alawa Kayi Mansoob-e-Zere Ghour Hain.

Rayaan Education Society Of India Ke Chairman Janab Hyder Ali Khan Ne Kaha Ke Millat Ke Taleemi Idaron Ki Aabiyari Apne Khoon Paseene Se Hamare Buzurgon Ne Seencha Hai. Islamia Institute Ki Zameen Ke Saat Jo Hua Hai Wo Afsos Naak Hai. Naye Idare Qayim Karne Ke Bajaye Moujooda Idaron Ke Member Ban Kar Inko Mustahkam Banaya Jaye. Taleemi Idare Hi Nahi Rahenge To Hamare Bachon Ki Taleem Ke Liye Ghairon Ke Idaron Ke Chakkar Kaatne Padhenge. Millat Ke Muqai'yyar Hazraat Aala Taleem Yafta Aur Danishwaron Ko Inn Idaron Ki Sarparasti Karni Chahiye Aur Inhe Qatm Hone Se Bachana Chahiye.

Sadarati Qibtaab Karte Hue Dr.Moulana Shameem Salik Ne Kaha Ke Aaj Jin Ahbaab Ko Award Diya Gaya Wo Taleem Se Behrawar Hain.  Inhone Saikdon Hazaaron Shagirdon Ki Zindagi Banai Hai. Aise Logon Ku Muntaqab Kar Ke Inhe Aezaaz Dene Ka Kaam Qabile Sata'ish Hai. Inhone Suhail Nizami, Inayath Ullah Khan Aur Ifteqaar Ahmad Shareef Ki Sata'ish Ki Ke Apni Mehnaton Aur Lagan Se Itni Shaandaar Taqreeb Ka Inaqaad Kiya. Inhone Kaha Ke Taleem Ka Mouzu Hamare Liye Hamesha Taaza Rahega. Kyunke Har Koi Apni Aulad Ku Taleem Se Maala Maal Karna Chahta Hai. Inhone Aezaaz Yaftagaan Ko Apni Nek Khwahishaat Pesh Ki.

Moulana Tabarak Rasheedi Ki Qirat Se Aghaaz Hua. Hafiz Syed Tabrez Ne Naat Pesh Ki. Mehdavia Times Welfare Trust Ke Inayath Ullah Khan Ne Istaqbalia Pesh Kiya Aur Suhail Nizami Ke Shukriye Par Taqreeb Ka Iqtetaam Hua.

A. Kainaat-e-Adab Award 2021 (Category : Education) Aezaz Yaftagaan Me

1. Professor Sabiha Zubair,
2. Professor Mohommed Javeed,
3. Professor M.Ashraf Ali,
4. Professor Mohommed Tazeer Ahmad,
5. Professor Saleem Pasha,
6. Professor Mohommed Azam Shahid,
7. Professor Abdul Rauf &
8. Professor Salam Musheer ( Baad E Az Marg) Shamil Rahe.

B. Kainaat-e-Adab Award 2021 (Category : Journalism) Sahafat Me

1. Sharfuddin Syed,
2. Syed Abdul Kareem (Awaaz-e-Karnatak)
3. Salaar Youtube Channel,

C. Kainaat-e-Adab Award 2021 (Category : Sports / Martial Arts) Sports Me

1. Syed Fawadullah

D. Kainaat-e-Adab Award 2021 (Category : Social Services) Samaji Qidmaat Me

1. Shafiya Farooq,
2. Al Wara Asif,
3. Syed Irfan Ahmad,
4. Syed Mansoor,
5. Dr.Mohommed Hussain,
6. Riyaz Ahmad,
7. Shah Moosa,
8. Mohommed Pyaare Jaan,
9. Mohommed Aslam (Singer) Shamil Rahe.

Is Program Ki Videos Mehdavia Times Par Jald Hi Upload Ki Jayegi.